رَسانک نیوز
سئے شمبهئے رۆچا ۱۷ بهمن ۱۴۰۲، چار بلۆچ که یکّے چه آیان جنێنے بوتگ دو جُتاێن اُرشا آوار جنگ بوتگاَنت دُزآپئے اداره اتلاهاتا دزگیر کرتگ پد ادارها برتگ و بندیگ کرتگاَنت.
اے چارێنانی پجّار “همید رزا کوهکن”، “آ . نارویی”، “بنیامین و الیاس کوهکنئے پت و مات که بندیگ اَنت”، “اَلی اکبر کوهکن”، ۲۰ سال انتی و هلیمئے چُکّ انت و “هارس هروت”، ۱۶ سال انتی، شملانئے چُکّ اَنت.
گۆن اے رستگێن هالا، امنیتی نیروان اَلی اکبر و هارس چه نادراهجاها آوار جتگ‌اَنت و پدا کساس بێگاهئے ساهت پنچا، همید رزائے لۆگا اُرش برتگ و همید رزا گۆن آییئے ماتا آوارِش جتگ‌اَنت.
گوشگ بیت امنیتی نیروان پێسر چه اِشیا که لۆگئے سرا اُرش ببرنت آر پی جی تئیار کرتگاَنت و بگئیر چه آمیدگسیئے هُکما، همسایگِش پاتراپ داتگانت که اگن لۆگئے در پَچ مبیت دْراهێن ساختمانا گۆن هُرد و مزنێن سلاهان بێڑ برێن.
اے نیروان رَند چه لۆگئے پُترگا، همید رِزا گۆن جَن و چُکان ماشینا سوارِش کُرتگ و آییئے جنێنا یکسالگێن چُکے هست آوار جتگ و گۆن وتِش بُرت‌اَنت.
همید رزائے جنئے آوار جنگا گۆن همساهگانی بگیرا دێم پَه دێم بوتگانت و نیروان گوشتگ چُنت سئوالی جُست و پرسی کنێن آجو کنگَ بیت.
همے درۆشما، چارشمبهئے سهبا ۱۸ بهمن ماه، اداره اتلاهاتئے نیروان همید رزا و آییئے جَن، برات زاتک و آییئے جنئے برات گۆن چم بندا یکجاهێن نوریئے آمیدگسا بهداشتئے هئیابانا بُرتگ و رَند چه آیانی جُرمئے پهمێنگا جُست کنۆکئے دستا، جنێن “آ . نارویی”، و “اَلی کوهکن” دُزآپئے بندیگا و همید رزا و هارس هم بازداشتگاها برگ بوتگاَنت.
گۆن رستگێن هالا، یکجاهێن آمیدگسیئے جاها، همید رزائے دێم ٹَپّ و ٹۆر بوتگ و آزار پُجاری سئوبا اۆشتاتی هم نکُرتگ.
گوَشگ ببیت که همید رزائے سئے چُکّ الیاس و بنیامین ۱۴۰۱ئے دئے ماهئے سێزدهمی رۆچا، یکجاهی آوار جنگانی گۆما و ادریس ۱۴۰۲ئے شهریورئے نۆزدهمی رۆچا، رَند چه اداره اتلاهاتئے نیروانی اُرش برگ مان آیانی لۆگا و بگئیر چه آمیدگسی هُکمئے پێش دارگا آوار جنگ بوتگاَنت و انگت دُزآپئے بندیگا
Be the first to comment