اسپهان ئے بندیگجاہ ءَ بلوچیں بندیگے پاھو دیئگ بوتگ

رَسانک نیوز/ دوشمبے 6 مهر ماہ 1405 ءِ بانگواه ءَ، اسپهان ئے بندیگجاہ ءَ بلوچیں بندیگے که چه پیسرا په مواد ئے چِست ائیر کنگئے بهتان ءَ پاھو ئے ھُکمی وارتگ، پاھو دیئگ بوتگ.

اے بلوچیں بندیگئے پجّار «ابدُلگنی سالارزھی»، کِساس 35 سالگ، مجید ئے چُک، آروس کرتگ، پنچ زھگئے پت، دزاپ ءِ نندوک زانگ بوتگ.

اے ھالئے رِد ءَ، ابدُلگنی سال 1398 ءَ ماں دزاپ ءَ په مواد ئے چِست ائیر کنگئے الزاما دزگیر کنگ بوتگ ءُ رَند چه اشیا په اسپهان ءَ شور دیئگ بوتگ ءُ اُود ئے آمیدگِس ءَ پاھو ئے ھُکم داتگ.

بس په یک دگه مردمی یے منّگ ءَ پلیس ابدلگنی یے رندا کپتگ ءُ ماں دزاپ ءَ دزگیر اِش کرتگ. گوں اشیا که ھچ پئیمیں موادے چه آییا دست نه کپتگ ءُ ماں آمیدگِس ءَ آییا وتی سرا بستگیں تهمت یکسر رد کرتگ.