دزاپ ءِ گوربند دامگ ءَ بلوچے کُشگ بوتگ؛ گُمانداریں مردم دزگیر بوتگ

رَسانک نیوز/ شمبے 4 مهر ماه 1405، دزاپ ءِ گوربند دمگ ءَ بلوچے رَند چه اشیا که گوں وتی سنگتیا اَڑتگ، گوں مُهکمیں چیزے ماں آییئے سر ئے سرا ٹُکّگ بوتگ ءُ چه بازیں ٹپّاں ساھی داتگ.

رَسانک ءَ اے بلوچئے پجّار «امیرھسین ریگی»، 20 سالگ، نادر ئے چُک، دزاپ ءِ نندوک زانتگ.

رَسانک ءِ ھال سرکنوکانی رِد ءَ، امیرھسین وتی چُنت سنگت ئے ھمراہ په ماڑی لِک کنگئے کارا گوربند دمگ ءَ شُتگ ءُ ھماں مردم که گوں آییا اَڑتگ چه آییئے سنگتاں بوتگ. رَند چه آیانی میان ءَ دپ جنگی ءُ جیڑہ ءَ ھماں وھدا که وتی جاگها آرام کنگ بوتگ اُرش ئے دپ ءَ کپتگ ءُ جنوک ءَ گوں ھِشت ماں آییئے سر ئے سرا ٹکّتگ.

پد چه اے ویل ءَ، انتزامی ٹولییا یک گُمانداریں مردمے دزگیر کرتگ ءُ په گیشتریں پٹ ءُ چار ءَ جُست پرس کنوکیں ادارہ ءَ شور داتگ. داں انگتا گیشیں ھالے اَلّمیں سئوب ءُ اِنساپ ءِ جاور ئے بارئوا دست نه کپتگ.