پهرہ ئے چاہ جمال دمگ ءَ بلوچییے بے ساھیں جون دست کپتگ؛ مرک ئے سئوب زانگ نه بوتگ

رَسانک نیوز/ سئے شمبے 24 شهریور ماہ 1405 ءِ شپ ءَ پهرہ ئے چاہ جمال دمگ ءَ بلوچییے بے ساھیں جون دست کپتگ. چه آییئے دیمے سرا ائیر بوتگیں ٹپ ءُ نشاناں گمان اِنت که پیش چه مرک ءَ گوں مردم یانکه مردمان ءَ اَڑتگ، تاں ھم آییئے مرک ئے وڑ ءُ پئیم ءُ سئوب اَلّما زانگ نه بوتگ.

رَسانک ءَ اے بلوچئے پجّار «اپشین سکاری»، سرباز ئے نندوک زانتگ.

رَسانک ءِ ھال سرکنوکانی رِد ءَ، چه بُنکی سبوتاں گُمان اِنت که اے بلوچ ءَ پیش چه مرک ءَ ٹکّر زورتگ. بله داں انگتا ویل ئے وھد، مرک ئے وڑ ءُ پئیم ءُ ٹکّر زیروکیں دیمیں مردمانی پجّار اَلّما زانگ نه بوتگ.