چهبار ءُ پهرہ ئے راھا چه راھئے ویلی ءَ نوک ورنا ئے ھوری ءَ دو بلوچیں ٹیلکشّ ءَ ساہ داتگ

رَسانک نیوز/ پنچشمبے 19 شهریور ماہ 1405 ءَ، چهبار ءُ پهرہ ئے راہ ءَ بمپور ئے نزّیک ءَ ٹیلکشّیں پژو گاڑی ئے گوں باری گاڑی ءَ چه دیم په دیما ٹوکر ورگ ءَ دو بلوچیں ٹیلکشّ ءَ ساہ داتگ.

اے دویں بلوچیں ٹیلکشّانی پجّار «روہ‌الله ھارکوھی»، 32 سالگ، مجید ئے چُک، آروس کرتگ ءُ دو ھُردیں چُکئے پت ءُ «اِمران ھارکوھی»، 15 سالگ، ھنیپ ئے چُک، ھر دو دزاپ ءِ نندوک زانگ بوتگ اَنت.

اے ھالئے رِد ءَ، سباھئے ساھت 5 ئے وھدا پد چه اشیا که ٹیلکشّانی گاڑی ءَ بمپور رَد کرتگ ماں چهبار ءُ پهرہ ئے راه ءَ گوں باری گاڑی ءَ دپ په دپ کپتگ ءُ ٹیلکشّانی گاڑی باری گاڑی ئے چیرا شُتگ. ٹیلکشّیں گاڑی ءَ نندوکیں دویں ٹیلکشّان ءَ چه بازیں ٹپّان ءَ ساہ داتگ.