رَسانک نیوز/ پنچشمبے 12 شهریور ماہ 1405 ءِ سباھا، نزامی ءُ امنیتی ٹولی ءَ گوں دھاں نزامی گاڑی ءَ دزاپ ءِ ھسارونیه دمگئے سرا اُرش کرتگ ءُ پد چه پرّیگیں لوگئے چاربند کنگ ءَ، لوگ ءَ نندوکیں مردمانی گون ءَ کریب دو ساھت ٹکّر اِش زورتگ. اے تیرگواری ءَ دو مردم ءَ تیر وارتگ ءُ کُشگ بوتگ.
کُشگ بوتگیں بلوچئے پجّار «یاسین نارویی»، کِساس 24 سالگ، گلام شاہ ئے چک ءُ دزاپ ءِ نسرتآباد دمگئے نندوک زانگ بوتگ، آ دگه مردمئے پجّار که مهمانی بوتگ داں انگتا زانگ نه بوتگ.
رَسانک ءِ ھال سرکنوکانی رِد ءَ، نزامی ءُ امنیتی ٹولی سباھئے ساھت 6 ئے وھدا گوں کریب 25 نزامی گاڑی ءَ دزاپ ءِ ھساروئیه دمگئے سرا اُرش کرتگ ءُ یک لوگئے چاربند کنگ ءَ رَند، لوگ ءَ نندوکیں مردمانی گون ءَ کریب دو ساھت ٹکّر اِش زورتگ. اے ٹکّر ءَ دو سلاہ بندیں مردم کُشگ بوتگ.
ھمے تَچکیا، مُرتزا جوکار سیستان ءُ بلوچستان ئے انتزامی کمانڈر ئے جانشین ءَ داواہ کرتگ دزاپ ءَ گوں پلیسئے کارواییا سلاہ بندیں آوار جنوک جَنَگ بوتگ اَنت ءُ آوار جتگیں مردمی آجو کنگ بوتگ ءُ «اےکارواییا، آوار جنوکیں دو سلاہبندیں مردم کُشگ بوتگ.»
Be the first to comment