بندراَبّاس ءَ نزامی ٹولییے تیرگواری ءُ گاڑییے بُن گِرَگ ءَ دو بلوچیں ٹیلکشّ ءَ ساہ داتگ

رَسانک نیوز/ پنچشمبے 29 مرداد ماہ 1405 ءِ سُهب ءَ، بندراَبّاس ءَ ایسین پُہلئے نزّیک ءَ چہ نزامی ٹولییے ٹیلکشّیں گاڑییے پدا کپگ ءُ تیرگواری ءَ بلوچیں ٹیلکشّانی گاڑی بُن گپتگ ءُ گاڑیئے دویں نندوکان ءَ ماں آس ءَ سُهتگ ءُ ساھِش داتگ.

رَسانک ءَ کُشگ بوتگیں دویں ٹیلکشّانی پجّار «یاسر سالارزھی»، 18 سالگ، زاھر ئے چُک، «اھمد ساک‌زھی»، 28 سالگ، شمس الدین ئے چُک، ھر دو زابلئے نندوک زانتگ.

رَسانک ءِ ھال سرکنوکانی رِد ءَ، سباھئے ساھت 5 ئے وھدا بندراَبّاس ءِ ایسین پُہلئے نزّیک ءَ نزامی ٹولی ءَ ٹیلکشّانی پدا کپگئے وھدا اے بلوچیں ٹیلکشّانی گاڑیئے سرا تیرگواری کرتگ، اے تیرگواری ءَ گاڑی بُن گپتگ ءُ دویں ٹیلکشّان ءَ ساہ داتگ.

ھال سرکنوکان ءَ گوَشتگ اے ٹیلکشّاں بس چُنت گالن ٹیل گون بوتگ ءُ نزامی ٹولییا پدا کپگئے وھدا آیانی سرا تیرگواری کرتگ.