زرباریں رودبار ءَ بلوچیں ٹیلکشّی چہ نزامی ٹولییے آییئے گاڑیئے سرا تیرگواری ءَ کُشگ بوتگ

رَسانک نیوز/ مروچی شمبے 17 مرداد ماہ 1405، زرباریں رودبار ءَ استانداریئے راھانی پلیس ءُ سئے چاھی راھئے نزّیک ءَ نزامی ٹولییا ٹیلکشّیں گاڑیئے سرا تیرگواری کرتگ، اے تیرگواری ءَ ٹیلکشّیں گاڑیئے ڈریور ءَ ماں سر ءَ تیر وارتگ ءُ چہ بازیں ٹپّاں ساھی داتگ.

رَسانک ءَ اے بلوچئے پجّار «امیراَلی نمدادی»، 21 سالگ، ھُسین ئے چُک، زرباریں رودبار ئے نندوک زانتگ.

رَسانک ءِ ھال سرکنوکانی رِد ءَ، اے تیرگواری سباھئے ساھت ھپت ءِ وھدا استانداریئے راھانی پلیس ءُ سئے چاھی راھئے میان ءَ بید چہ پیسریگیں جار ءُ دلگوش دیئگ ءَ پیش آتکگ. اے تیرگواری ءَ امیراَلی ءَ ماں سرا تیر وارتگ ءُ آییئے ٹپّ ھمینچُک باز بوتگ اَنت کہ جاہ ءَ ساھی داتگ.

نزامی ٹولییے بلوچیں ٹیلکشّانی سر ءَ ماں زرباریں رودبار ءُ بلوچستانئے آ دگہ دمگاں بازیں براں جهمنندانی کُشگ ءُ ٹپّیگ بوھگئے سئوب بوتگ. اے ھماں پیش آتک اَنت کہ بازیں جاہ ءَ چہ گرمیں سلاھانی کارمرز کنگ ءَ جهمنندانی ساہ ءُ جان ءَ ھَتَر ئے دیمپان بوھگئے سئوب بوتگ اَنت.