رَسانک نیوز/ مروچی جمے 9 مرداد ماہ 1405 ءِ بانگواہ ءَ، راسک ءِ پیشین زِلّهئے ردیگ دمگ ءَ سیمسراں چاروگیں نزامی ٹولییے تَچکیں تیرگواری ءَ بلوچی ءَ ساہ داتگ. اے بلوچ وتی چُنت سیاد ئے ھمراھیا پد چہ ڈگارانی مینگ ءُ وتی باگانی چارگ ءَ گوں پٹ پٹیا چہ سیمسرانی دمگ ءَ پد ترّگ ءَ بوتگ کہ سیمسرانی چاروگیں نزامی ٹولییا آیانی سرا بید چہ جار ءُ دلگوش دیئگ ءَ تیرگواری کرتگ. یکی چہ باگ واھنداں ماں سرا تیر وارتگ ءُ جاھا ساھی داتگ.
رَسانک ءَ اے بلوچئے پجّار «ابدلکریم بن (مهمدھسنی)»، ابدلسمد ئے چُک، راسک ءِ پیشین زِلّهئے نندوک زانتگ.
رَسانک ءِ ھال سرکنوکان ءَ گوشتگ دمگئے باگ واھنداں پہ آپئے بهر بندیئے ھاترا ناچار اَنت کہ شپ ءُ روچ پہ وتی باگان ءُ آپئے چارگ ءَ سیمسرانی نزّیکیں دمگاں برو اَنت ءُ بیا اَنت. ابدلکریم ھم چہ باگ ءَ پد ترّگئے وھدا تیر وارتگ.
ھال سرکنوکان ءَ گوَشتگ ابدلکریم بُن ئے بے ساھیں جون راسک ءِ سرد ھانگ ءَ سرکنگ بوتگ ءُ آییئے لوگئے مردمان ءَ لاشئے دست گِرگئے رَندگیری بُنگیج کرتگ.
داں انگتا ایران ئے سیمسراں چاروگیں نزامی باسکئے سروکان ءُ اے دگہ زمّهواریں ادارھانی کارمستران ءَ اے تیرگواری ئے بارئوا کہ جهمنندی کُشگ بوتگ ھچ روژنیں گپّی نہ جَتگ.
Be the first to comment