رَسانک نیوز/ چارشمبے 31 تیر ماہ 1405 ءِ بانگواہ ءَ، جیرپت ئے بندیگجاہ ءَ بلوچی بندیگی کہ چہ پیسرا پہ کوشئے الزاما دزگیر کنگ بوتگ ءُ گوں اِنساپ ءِ جاورانی دیمروی ءَ پاھو ئے ھُکمی وارتگ پاھو دیئگ بوتگ.
رَسانک ءَ اے بندیگئے پجّار «اَلیاھمد یوسپی»، کِساس 34 سالگ، آروس کرتگ، ابّاس ئے چُک، بُندر ءَ کهنوج ئے چاہ مراد دمگئے نندوک ءُ جیرُپت ئے جهمنند زانتگ.
رَسانک ءِ ھال سرکنوکانی رِد ءَ، سال 1398 ءَ نزامی ٹولی ءَ رَند چہ جیڑھی اَلیاھمد دزگیر کرتگ، آمیدگِس ھماں وھدا پہ کوشئے الزام آییا پاھو ئے ھُکمی داتگ کہ اَلی اھمد ءَ اے کوشئے کُرتنا نہ منّتگ، بلے اِنساپ ءِ ادارہ ءَ چُنت مردم پہ گواھیا لوٹتگ ءُ اے پئیما پاھو ئے ھُکما تسدیکی کرتگ.
ھال سرکنوکان ءَ گوَشتگ اے بلوچئے ھاندان ءُ لوگئے مردمان ءَ گوں بازیں وڑ ءُ پئیمی چُش کہ دمگئے با بهروسهین ءُ اسپیت ریشیں مردمانی میانجی گری ءَ جُهد کرتگ تانکہ کُشگ بوتگیں مردمئے وارسانی رزایتا بِگر اَنت، بلے آیانی جُهد سوبین نہ بوتگ اَنت.
Be the first to comment