نهبندان ءَ بلوچیں ٹیلکشّی ءَ چہ گاڑییے بُن گِرَگئے ٹپّان ءَ ساھی داتگ

رَسانک نیوز/ چارشمبے 24 تیر ماہ 1405، بلوچیں ٹیلکشّی کہ نهبندان ئے سپیت‌آو دمگ ءَ چہ گاڑییے بُن گِرَگ ءَ سکّ ءَ ٹپّیگ بوتگ، دہ روچ ءَ رَند چہ بازیں ٹپّاں ماں بیرجند ئے نادراہجاھی ءَ ساہ داتگ.

رَسانک ءَ اے بلوچئے پجّار «سادک براھویی (زیرکاری)»، 21 سالگ ، نئیم ئے چُک، دُزاپ ءِ کورین زِلّهئے سردشت دمگئے نندوک زانتگ.

رَسانک ءِ ھال سرکنوکانی رِد ءَ، ھماں وھدا کہ سادک وتی گاڑی ءَ ٹیل بار جَنَگ ءَ بوتگ کہ گاڑی بُن گپتگ ءُ زیت ءَ آسئے لَپَک تمانیں گاڑی ءَ گپتگ، آیی اے ویل ءَ سکّ ءَ سُهتگ ءُ پہ درمان ءَ بیرجند ئے نادراہجاھی ءَ سرکنگ بوتگ.