رَسانک نیوز/ سئے شمبے 23 تیر ماہ 1405، چار بلوچئے لاش کہ ماں 20 تیر ماہ ءَ شاھرود دز ءَ سمنان رینجرز ئے بید چہ جار ءُ دلگوش دیئگ ءَ دو گاڑیانی سرا تیرگواری ءَ کُشگ بوتگ اَنت، وارسان ءَ دیئگ بوتگ اَنت۔ کرار اِنت مروچی 24 تیر ماہ ءَ لاش پہ کلّ کنگ ءَ دُزاپ ءَ دیم دیئگ ببنت.
رَسانک ءَ اے بلوچانی پجّار «ائیدو کمبرزھی» درمهمد ئے چُک، «جمشید آلیزھی»، کِساس 21 سالگ، شہ نزر ئے چُک، آروس کرتگ ءُ یک زھگی ھست، دُزاپ ءِ نندوک، «ابدلرھمان کمبرزھی»، کِساس 45 سالگ، آروس کرتگ ءُ زھگی ھست دُزاپ ءِ چشمہ زیارت ئے نندوک، «تیّب کمبرزھی»، کِساس 29 سالگ، ابدلهالک ئے چُک زانتگ.
گوَشگ لوٹیت سمنان سوبهئے انتزامی کمانڈر ئے ھال سرکنوکیں ادارہ ءَ گوَشتگ: رینجرز ئے سد ءُ بیستمیں پلٹنئے ٹولی شاھرود دز ئے دور سراں گشتئے وھدا دو مزدا باری گاڑی ءُ یک پٹ پٹیئے سرا بدگُمان بوتگ اَنت۔ اے ادارھئے داوا ئے رِد ءَ، گاڑیان ءَ نندوکیں مردم رینجرز ئے گِندگ ءَ پد، در روگئے جُهد ءُ رینجرز ئے سرا تیرگواری کرتگ۔ دو نیمگی تیرگواری ءَ چار مردم کُشگ ءُ پٹ پٹیا سواریں مردم پہ در روگ ءَ سوبین بوتگ۔ سردار سید موسا ھُسینی ءَ داوا کرتگ اے کارواییئے گُڑسرا 285 کیلوگرم تریاک، چار جنگی ءُ شکاری تُپنگ گوں لهتیں جنگی ساز سامان ءَ دست کپتگ ءُ زپت کنگ بوتگ.
Be the first to comment