رَسانک نیوز/ شمبے 23 ھُرداد ماہ 1405، چارمی بلوچئے پجّار کہ ماں تاریک یک شمبے روچ 17 ھُرداد ماہ ءِ بانگواہ ءَ شستون ءَ امنیتی ٹولییے اُرش ءُ تیرگواری ئے دپ ءَ کپتگ ءُ ساھی داتگ، زانگ بوتگ.
رَسانک ءَ اے بلوچئے پجّار «وھید شاھوزھی»، ابداللہ ئے چُک، دُزاپ ءِ نندوک زانتگ۔ پیشترا ھم کُشگ بوتگیں آ دگہ سئے بلوچئے پجّار «یاسین مهمدزھی»، شریپ ئے چُک، تپتان ءَ نازیل زِلّهئے چاہ اھمد دمگئے نندوک، «جلیل نهتانی»، کِساس 45 سالگ، ھمید نهتانی ئے چُک، آییئے بچک «مهمداُمر نهتانی»، کِساس 24 سالگ، جلیل ئے چُک، ھر دویں دُزاپ ءِ چشمہ زیارت (چَمّگ) دمگئے نندوک زانگ بوتگ اَنت.
رَسانک ءِ ھال سرکنوکانی رِد ءَ، شش روچ ءَ پد داں انگت ءَ اے چاریں بلوچئے بے ساھیں جون آیانی ھاندان ءُ لوگئے مردمانی دست ءَ دئیگ نہ بوتگ۔ ھمیں گپّ ءَ آیاں دل پریشاں کرتگ.
🔗 لینک کوتاه:
برای کپی روی دکمه کلیک کنید
Be the first to comment