پنّوچ ءَ بلوچ نوک ورنایی کہ امنیتی ٹولییا دزگیر کرتگ، 53 روچ ءَ پد داں انگت آییئے بے ھالے سرپدئے برجاہ اِنت

رَسانک نیوز/ شمبے 9 ھُرداد ماہ 1405، بلوچ نوک ورنایی کہ 18 پروردین ءَ چیریں ادارہ ءَ چہ پنّوچ ءَ دزگیر کرتگ، 53 روچ ءَ پد داں انگت ءَ آییئے ھالے سرپد ئے دست نہ کپتگ، نہ آییئے جاور ءُ نہ کہ آییئے سرا بستگیں تُهمت زانگ بوتگ، ھاندان ءُ لوگئے مردماں سکّ ءَ دل پریشان اَنت.

اے نوک ورنائیں بلوچئے پجّار «ارشیا سالہ‌نژاد (چاکری)»، کِساس 18 سالگ، مهمد ئے چُک، بُندر ءَ پنّوچ ئے نندوکیں مردمی زانگ بوتگ.

اے ھالئے رِد ءَ، چیریں ادارہ ءَ آیی پہ زور ءُ ھژم ءَ بید چہ کسور ءُ مئیار ئے گوَشگ ءَ دزگیر ءُ چیریں جاگهی بُرتگ۔ گوستگیں ھپتگان ءَ ھاندان ءَ پہ آییئے ھالے سرپد ئے زانگ ءَ بازیں برا امنیتی ادارھان ءَ شُتگ اَنت ءُ تهنا پسّویی کہ آیان ءَ دئیگ بوتگ اِشنت کہ ارشیا ماں دُزاپ ءِ چیریں ادارہ ءَ دارگ بوتگ.

داں انگت ءَ ارشیا ئے بارئوا ھاندان ئے مردمان ءَ ھچ پئیمیں اَلکاپین ءُ اَلّمیں ھالی دئیگ نہ بوتگ ءُ نہ کہ آییئے جاور ئے بابت ءَ ھالی دست کپتگ۔ اے گپّ ھاندان ءُ لوگئے مردمانی دل پریشانی گیش کرتگ.