رَسانک نیوز/ 8 ھُرداد ماہ 1405 ءِ شپ ءَ، شستون ئے زنگیان دمگ ءَ بلوچ نوک ورنایی پد چہ اشیا کہ ماں نور مسیت ءَ ائشا ئے نمازی وانتگ ءُ در گپتگ، چہ سلاہ بندین ءُ بے پجّاریں مردمانی تیرگواری ءَ، تیری وارتگ ءُ ساھی داتگ.
رَسانک ءَ اے بلوچ نوک ورنا ئے پجّار «مهمدیوسپ ملکزادہ»، کِساس 17 سالگ، ابدلهالک ئے چُک ءُ بُندر ءَ شستون ئے زنگیان دمگئے نندوکیں مردمی زانتگ.
رَسانک ءِ ھال سرکنوکانی رِد ءَ، مهمد یوسپ ءَ زنگیان دمگئے نور مسیت ءِ دیما چہ سلاہ بندین ءُ بے پجّاریں مردمانی تیرگواری ءَ، ماں سینگ ءَ تیری وارتگ ءُ ساھی داتگ۔ اُرش کنوکیں مردماں تیرگواری ءَ رَند چہ جاہ ءَ در شُتگ اَنت۔ داں انگت ءَ آیانی پجّار ءُ سئوب زانگ نہ بوتگ.
ھال سرکنوکان ءَ گوَشتگ دمگئے نندوکیں مردمان ءَ ویلا پد، گوں انتزامی پاسگاہ ءَ جُڑتگ اَنت ءُ اے بُن گپّ ءَ رپوٹش کرتگ۔ بلے زمّهواریں ٹولی تاں شپ ءِ آھریں پاس ءُ دمان ءَ جاہ ءَ دیم دئیگ نہ بوتگ اَنت۔ جهمنندانی رِد ءَ، انتزامی ٹولی ءَ گوَشتگ کہ مردم وت رپوٹ ءَ بہ لِکّهنت ءُ گزارش بکننت.
Be the first to comment