رَسانک نیوز/ شمبے 2 ھُرداد ماہ 1405 ءِ بانگواہ ءَ، دُزاپ ءِ مینویی دمگ ءَ چہ سلاہ بندیں دُزّان ءُ لهتیں جهمنندیں مردمانی میان ءَ ٹکّر ءَ سئے بلوچ کُشگ ءُ یکّی دگہ ٹپّیگ بوتگ.
کُشگ بوتگیں سئے بلوچئے بچّار «جمشید توتازھی» (مینگل)، ابدلهیات ئے چُک، «شیر اَلی توتازھی» (مینگل)، اھمد ئے چُک، «پئکیرمهمد توتازھی» (مینگل)، ابدلرھمن ئے چُک ءُ ٹپّیگ بوتگیں بلوچئے پجّار «ابدلجلیل توتازھی» (مینگل) گوشگ بوتگ.
اے ھالئے رِد ءَ، سلاہ بندیں دُزّانی ٹولییے کہ لوٹتگ چہ دُزاپ ءِ زورآباد دمگئے ھند ءُ بازاراں دُزّی بکننت گوں دمگ ءَ نندوکیں ورنایان ءَ ٹکّر اِش زورتگ کہ اے سلاہ بندیں ٹکّر ءَ توتازھی مینگل کُهٹمدان ئے سئے ورنا کُشگ ءُ یکّی دگہ ٹپّیگ بوتگ. پد چہ اشیا کہ ویلئے ھال دمگ ءَ نندوکیں مردمانی میان ءَ شِنگ بوتگ آیان ءَ وتا ویلئے جاہ ءَ سر کرتگ، بلے سلاہ بندیں دُزّان ءَ وتی یک گاڑییے یلہ داتگ ءُ گوں دومی گاڑی ءَ چہ جاہ ءَ در شُتگ اَنت.
Be the first to comment