رَسانک نیوز/ مروچی یکشمبے 30 پروردین ماہ 1405 ءَ، زرباریں سیستان و بلوچستانئے انتزامی کمانڈر مرتزا جوکار ءَ جار کَشّتگ کہ پہرہ ءُ واش ئے راہ ءَ رینجرز ٹولی ءَ یک پژو گاڑی ئے سرا تیرگواری کرتگ، اے تیرگواری ءَ یکّے چہ گاڑییے نندوکیں مردمان کُشگ ءُ آ دگہ دزگیر کنگ بوتگ.
آییئے جارئے رِد ءَ، گاڑییے نندوکان ءَ پلیس ئے اُوشت ئے پرمان مان نہ آورتگ ءُ انتزامی ٹولی ءِ سرا تیرگواریش کرتگ۔ اے انتزامی سروکئے داوا ئے رِد ءَ، پلیس ءَ اے جاور ئے سرا وتی پد کرد گوں سلاھئے کارمرز کنگ ءَ داتگ ءُ ھمے تَچکی ءَ یک مردمی کُشگ ءُ یکّی دگہ دزگیر بوتگ۔ ھمے وڑا گوشگ بوتگ چہ اے مردمان سَلاہ ءُ جنگی ساز ءُ سامان دست کپتگ ءُ آیانی گاڑی زپت کنگ بوتگ.
دان انگت ءَ اے مردمانی پجّار ءُ اشی کہ اے ویل چے وڑا پیش آتکگ چہ سرکاری مزنیں میڈیا ئے نیمگ ءَ پدّرایی نہ بوتگ.
🔗 لینک کوتاه:
برای کپی روی دکمه کلیک کنید
Be the first to comment