رَسانک نیوز/ یکشمبے 4 اسپند ماہ 1404، میرجاوہ ءَ بلوچی کہ ماں تاریک 23 بہمن ماہ ءَ چہ لوگ ءَ ڈنّ شُتگ، یازدہ روچ ءَ پد داں انگت ءَ لوگ ءَ واتر نہ بوتگ ءُ نہ لوگئے مردمان ءَ آئی ءِ باراوا ھالے سرپد ئے دست کپتگ۔ اے بُن گپّ ءَ لوگئے مردمانی دل پریشانی گیش کرتگ.
رَسانک ءَ اے بلوچئے پجّار «اوسمان ریگی لادیز»، 24 سالگ، پتئی مهمد ئے چُک، بُندر ءَ میرجاوہ ئے لادیز دمگئے نندوکیں مردمی زانتگ.
رَسانک ءِ ھال سرکنوکان ءَ گوشتگ: اے بلوچ شپ ءِ ساھت 1:30 ءَ چہ لوگ ءَ ڈنّ شُتگ ءُ ایشی ءَ پد واتر نہ بوتگ ءُ مئوبیلی بند اِنت، نزّیکیں مردمان ءَ گوشتگ کہ آئی ءَ وتی ھاندان دوست بوتگ ءُ پیسرا چُشیں گوستی آئی ءَ نہ بوتگ کہ اَچانک ءَ لوگ ءَ یلاک بدئنت ءُ برو، ھاندان ءُ دمگئے جھمنندانے رَندگیری پہ آئی ءِ شوہاز کنگ ءَ بے نتیجگ منتگ اَنت.
گوشگ لوٹیت اوسمان ئے لوگئے مردمان ءَ چہ مهلوک ءَ لوٹتگ ھر کس ءَ آئی ءِ باراوا ھالے دست کپت یاں کہ ھالی سرپد اِنت گوں رَسانک ءَ بہ جُڑ اِیت.
Be the first to comment