رَسانک نیوز/ یکشمبے 26 بہمن ماہ 1404 ءِ شپ ءَ، دُزاپ ءِ کورین زِلّھ ئے چاہ اھمد دمگ ءَ بلوچی کہ چُنت سال پیسرا پہ آئی امنیتی پروندہ اے جوڑ اِش کرتگ، رَند چہ ایشی ءَ امنیتی ءُ چیئریں ادارہ آئی ءِ پدا بوتگ اَنت. امنیتی ٹولی ئے چاہ اھمد دمگئے سرا اُرش ءُ تیرگواری ءَ اے بلوچ ءَ تیر وارتگ ءُ ساہ داتگ.
اے بلوچئے پجّار «دُرمهمد ھسنزھی»، کِساس 45 سالگ، ابداللہ ئے چُک، آروس کرتگ ءُ زھگانی پت، بُندر ءَ چاہ اھمد دمگئے نندوک گوَشگ بوتگ.
اے ھالئے رِد ءَ، اے مرد چُنت سال اِنت کہ پہ چیئری ءَ زندمانے گوازینتگ۔ چیئریں ادارہ ئے سادہ پوشیں ٹولی ءَ چاہ اھمد دمگ ءَ ھماں جاہ ءَ کہ آئی ءَ داشتگ اُرش ءُ تیرگواری کرتگ۔ چہ نزامیانی تَچکیں تیرگواری ءَ آئی ءَ تیر وارتگ ءُ ساہ داتگ۔ اُرش ءَ چیئرین ءُ امنیتی ادارہ ئے دہ آنے کارمند گوں ھپت زاتی نمبر پلیٹیں گاڑی ءَ بہر زورتگ.
گوَشگ لوٹیت: چیزی سال پیسرا کرمان ئے چیئریں ادارہ ءَ اے بلوچئے سرا امنیتی پروندہ اے بستگ ءُ آئی ءِ پدا بوتگ۔ پمیشکا آئی ءَ پہ چیئری ءَ زندمانی گوازینتگ ءُ چہ کَشّ ءُ کِرّیں دمگاں شُتگ ءُ آتکگ.
Be the first to comment