رَسانک نیوز/ دوشمبے روچ 27 بہمن ماہ 1404، سرباز ءَ شورمیتگ دمگ ءَ اربابی ءُ شیروزھی ھاندان آنے میان ءَ پنچ سالگیں جیڑہ اے کہ چہ دوئیں نیمگ ءَ بازیں مردمی کُشگ ءُ ٹپیگ بوھگئے سوب بوتگ، سرباز ءَ نسیرآباد دمگ ئے جامہ مسیت ءَ گوں مراگش یئے برجم دارگ ءَ پہ ھمیشگ ءَ سِندگ بوتگ.
رَسانک ءِ ھال سرکنوکان ءَ گوشتگ: اربابی ءُ شیروزھی کُٹھمدان آں اے جیڑہ ئے دو نیمگیں مردم بوتگ اَنت، کہ گوستگیں پنچیں سالانی تہا اے ٹکّر ءَ چہ ھر دو نیمگ ءَ چار مردم کُشگ ءُ لہتیں دگہ ٹپیگ بوتگ.
رازی نامہ ءُ سلاھ کاری ئے دیوان ءَ کہ ماں نسیرآباد ءِ جامہ مسیت ءَ برجم دارگ بوتگ با بہروسہ ایں، زانتکارین ءُ جھمنندیں مردمان ءَ بہر زورتگ۔ دیوان ئے گُڈسرا دوئیں نیمگئے مردمان ءَ رازی نامہ ءُ سُلاھ ئے جار جتگ ءُ اے پیم ءَ جیڑہ اَلّمی ءَ سِندگ بوتگ. دیوان ءَ، مزنین ءُ با بہروسہ ایں مردمانی کِرد ءَ پہ جیڑہ آنے سِندگ، پہ سلاھ کاری ءَ بلوچی رسم ءُ رواجانی کارمرز کنگ ءُ سوبین بوھگ ءَ، یک بری پدا درا کرتگ.
Be the first to comment