رَسانک نیوز/ شمبے 25 بہمن ماہ 1404، جھمنند ایں ھال سرکنوکان ءَ گوَشتگ: شستون ءَ ناگان دو راھی ءَ نزامی گاڑی آنی کاروان ئے راہ سرا تراکی بوتگ۔ اے تراک ئے زمہ واری ءَ راجی پدائیانی سنگر ءَ منّتگ.
دیمترا سربوتگیں ھالانے رِد ءَ، اے کاروان ءَ سئے نزامی گاڑی بوتگ اَنت ھماں وھد ءَ کہ اے کاروان چہ شہر ءَ ڈنّ روگ ءَ بوتگ چہ راہ سرا تراک ءَ یکی چہ نزامی ھایلوکس گاڑی آں تباہ بوتگ.
رژیم ئے ھلاپیں گل ءِ لُکّیں جارتاک ءَ گوَشگ بوتگ: پادلپاش کنوکیں ٹولی ئے ھایلوکس گاڑی یے کہ پہ جھمنند آنے لگت پاد کنگ ءَ گوں کاروانی ءَ رھادگ گپتگ، پیسر چہ ایشی ءَ کہ جاہ ءَ سر بہ بنت شستون ءَ ناگان دو راھی ءَ گوں مین ءَ تباہ کنگ بوتگ.
گوں تراک ءَ لہتیں چہ گاڑی ئے نندوکاں کُشگ ءُ لہتیں دگہ ٹپیگ بوتگ۔ داں انگت ءَ جانی نُکس آنی اَلّمیں کچّ ءُ ٹپیگ بوتگیں کارمند آنی پجّار اِش نہ گوشتگ.
گوشگ لوٹیت: 22 بہمن ءِ روچ ءَ پہرہ ئے مھمدآباد دمگ ءَ ھمیں وڑیں اُرشی مرساد رینجرز ئے کاروان ئے سرا بوتگ۔ اے اُرش ئے زمہ واری ءَ «راجی پدائیانی سنگر» ءَ منّتگ.
Be the first to comment