سوران ءَ امنیتی ٹولی ءَ پُرّیں لوگ آنے سرا اُرش کرتگ/ جنیں آدم آنے ءُ چُکّانی میان ءَ تُرس ءُ بیم ئے سوب بوتگ

رَسانک نیوز/ پنچشمبے 23 بہمن ماہ 1404، سوران ءَ نزامی ٹولی ءَ گوں چیئریں ادارہ ئے ھمراھی ءَ سوران ئے دمگی ءَ بازیں لوگی یے سرا اُرش کرتگ۔ نزامیان ءَ بید چہ سرکار ئے ھُکم ءَ لوگ آن ءَ تہا بوتگ اَنت۔ دریگ ءُ دروازگ ئے پُروشتگ اَنت ءُ جھمنندانی سامان آں نُکس داتگ ءُ پٹ ءُ پُولِش کرتگ. دمگئے نندوکیں مردمان ءَ گوشتگ: اے کاروایی جنیں آدم ءُ چُکّ آنے میان ءَ ترس ءُ بیم ئے سوب بوتگ۔ دمگ ءَ چہ جھمنندی ھکّانی لگت پاد بوھگ ءَ دل پریشانی گیش بوتگ.

اے ھالئے رِد ءَ، کِساس پنجاہ سلاہ بندیں چریک ءُ کارمند گوں چُنت گاڑی ءَ دمگ ءَ تہا بوتگ اَنت ءُ نزّیکیں لوگ آن ءَ پٹ ءُ پولش کرتگ۔ جھمنند گوشنت نزامی کارمند بید چہ ایشی ءَ کہ سرکاری رنگ ءَ اُرش ئے سوب ءَ بہ گوشنت لوگ آن ءَ تہا بوتگ اَنت ءُ پہ ھژم ءُ تُرندی ءَ دریگ ءُ دروازگش پروشتگ اَنت ءُ سامانش نُکس داتگ ءُ تالانگ کرتگ.

لہتیں چہ جھمنند آن ءَ دمگئے بدامنی ئے سرا دروشم داتگ ءُ گوشتگ کہ نزامی کارمندانی جنیں آدم ءُ چُکّ آنی سرا تُپنگ ءِ دارگ، آیانی ترس ئے سوب بوتگ.