رَسانک نیوز/ پنچشمبے روچ 23 بہمن ماہ 1404، سب ءُ سوران ءَ بلوچی یے بے ساھیں جون کہ چہ تاریک 20 بہمن ماہ ءَ گمان داریں وڑی ءَ بیگواہ کنگ بوتگ، سئے روچ ءَ پد جھمنندانی دست ءَ کپتگ۔ سلاہ بندین ءُ بے پجّاریں مردمان ءَ اے بلوچ تیر کرتگ ءُ کُشتگ.
رَسانک ءَ اے بلوچئے پجّار «ابدلوھاب سپاھی»، نادر ئے چُک، بُندر ءَ مئگس ئے نندوکیں مردمی زانتگ.
رَسانک ءِ ھال سرکنوکانی رِد ءَ، ھاپِز ابدلوھاب، مئگس ءُ سوران ءَ یکی چہ سماجی جُھدکار آں زانگ بوتگ۔ آئی ءَ گوں سماجی رہبند آنے کار مرز کنگ ءَ مردمانی جیڑہ آنے سِندَگ ئے جُھد کرتگ۔ رَند ایشی ءَ کہ وتی جن ءُ چُکّانی ھوری ءَ چہ مئگس ءَ پہ سوران ءَ شُتگ، اُداں پہ گمان داریں وڑی ءَ بیگواہ کنگ بوتگ۔ لوگ ءُ دمگئے مردمانی رَندگیری ءَ پد، آئی ءِ بے ساھیں جون ماں تاریک 23 بہمن ماہ ءَ جھمنندانے دست ءَ کپتگ.
داں انگت جنوکانی پجّار ءُ آیانی سوب چہ اے کار زانگ نہ بوتگ.
Be the first to comment