دُزاپ ءَ سلاہ بندیں مردمان ءَ گاڑی یے سرا تیرگواری ءَ پد، گاڑی ءَ نندوکیں بلوچیں چُکّی آوار جتگ

رَسانک نیوز/ سئےشمبے 21 بہمن ماہ 1404، دُزاپ ءِ شیرآباد دمگ ءَ سئے گاڑی پژو 405، زانتیا ءُ پراید ئے سلاہ بندیں نندوکان ءَ راہ ءَ رؤکیں گاڑی ئے سرا تیرگواری کرتگ۔ آیان چہ زانت ءَ گاڑی ئے موتور تیر کرتگ تاں کہ گاڑی ءَ بہ دار اَنت۔ گاڑی ئے ڈریور چہ ناچاری ءَ اُوشتاتگ، سلاہ بندیں مردمان ءَ ڈریور بیہار کرتگ ءُ گاڑی ءَ نندوکیں بلوچیں چُکّی ءَ آوار جتگ ءُ گوں وت بُرتگ۔ اے پیش اَتک ءَ چُکّئے ھاندان ءُ دمگئے نندوکیں مردم سکّ ءَ دل پریشان کرتگ.

رَسانک ءَ آوار جنگ بوتگیں چُکّئے پجّار «ابولپزل یارمهمدزھی براھویی»، 12 سالگ، چاکر ئے چُک، دُزاپ ءِ شیرآباد دمگ ءِ نندوک زانتگ.

رَسانک ءِ ھال سرکنوکان ءَ گوشتگ: آوار جنوکاں سجھیں سلاہ بند بوتگ اَنت ءُ پہ مهلوکئے تُرس ءُ بیمّ دیگ ءَ پیسر چہ چُکّئے آوار جنگ ءَ تَچکیں تیرگواری اِش کرتگ۔ چہ اے وڑیں گامگیج ءُ ماں نندوکیں دمگ آں سر زاھری ءَ سلاہ ئے کارمرز بوھگ ءَ درا کرتگ کہ اے کاروایی چہ دیمترا ٹاھینگ بوتگ. گُڑسرا آوار جنوکان ءَ ابولپزل چہ گاڑی ءَ ایئر گِپتگ ءُ بے ھبر ءُ ھال ءَ گوں وت برتگ.