رَسانک نیوز/ سئےشمبے روچ 7 بہمن ماہ 1404 ءَ، کهنوج ءِ شهر ءَ نزامی ٹولی بلوچے ٹیلکشّی یے گاڑی ئے پدا کپتگ ءُ تیرگواری کرتگ، گاڑی ئے ٹایر ءَ تیر لگّتگ ءُ کنٹرول چہ ڈریور ئے دست ءَ در آتکگ، ٹیلکشّئے گاڑی گوں ھاورے ءَ ٹوکر وارتگ ءُ بُن گپتگ، ڈریور ماں آس ءَ سوھتگ ءُ ساہ داتگ.
کُشگ بوتگیں بلوچے ٹیلکشّئے پجّار «رسول مهمدالی زابلی (بامری)»، 28 سالگ، ھسن ئے چُک، آروس کرتگ ءُ زرباریں رودبار ئے مُزپّر آباد دمگ ءِ جهمنند زانگ بوتگ.
اے ھالئے رِد ءَ، رسول گوں گاڑی ءَ وتی راہ ءَ روگ ءَ بوتگ کہ کهنوج ئے نزامی ٹولی ءَ آئی ءِ سرا تیرگواری کرتگ۔ گاڑی ئے ٹایر ءَ تیر لگّتگ ءُ گوں ھاوری ءَ ٹوکر وارتگ۔ ٹوکر ءَ پد ٹیلکشّئے گاڑی بُن گپتگ ءُ ڈریور جاہ ءَ اُوشتوکیں مردمانی چمّانی دیم ءَ ماں آس ءَ سوھتگ ءُ ساہ داتگ.
Be the first to comment