رَسانک نیوز/ بیگاھی 6 بہمن ماہ 1404 ءَ، جالک ءِ کوھگ دمگ ءَ سلاہ بندین ءُ بے پجّاریں مردمانی تیرگواری ءَ بلوچی ءَ ماں سر ءَ تیر وارتگ ءُ ساہ داتگ.
رَسانک ءَ اے بلوچئے پجّار «ابدلهکیم (شیر اَلی) رئیسی »، 33 سالگ، درمهمد ئے چُک، آروس کرتگ ءُ سئے زھگئے پِت، بُندر ءَ جالک ئے نندوکیں مردمی زانتگ.
رَسانک ئے ھال سرکنوکانے رِد ءَ، شپ ءِ ساھت دہ ءِ نزّیک ءَ ھماں وھدا کہ اے بلوچ، پٹ پٹی ءَ سوار وتی لوگ ءَ واتر کنگ ءَ بوتگ چہ سلاہ بندین ءُ بے پجّاریں مردمانی تیرگواری ءَ ماں سر ءَ تیر وارتگ ءُ ساہ داتگ.
ھال سرکنوکانے رِد ءَ، اے بلوچئے نماز جنازہ 7 بہمن ماہ ءِ بیگاہ ءَ ماں آئی ءِ دمگ ءِ ہڈ ایئردے ءَ وانینگ بوتگ.
داں انگت ءَ جنوکانے پجّار ءُ آیانی سوب چہ اے کار ءَ زانگ نہ بوتگ.
اولین نفری باشید که دیدگاه مینویسد