رَسانک نیوز/ یکشمبے 5 بہمن ماہ 1404 ءِ بانگواہ ءَ، دُزاپ ءِ بندیگجاہ ءَ بلوچے بندیگے کہ دیمترا پہ کوش ئے الزام ءَ پاھو ئے ھُکم وارتگ، پاھو دیگ بوتگ.
اے بلوچیں بندیگئے پجّار «مهمد نوھانی»، کِساس 47 سالگ، بھلور ئے چُک، آروس کرتگ ءُ زھگ آنے پت، دشتیاری ءَ باھوکلات ءِ بسوت دمگئے نندوکیں مردمی زانگ بوتگ.
ھال وشّ ئے ھالانی رِد ءَ، مهمد نوھانی ماں سال 1392 ءَ امنیتی ٹولی ءَ آئی ءِ لوگئے سرا اُرش ءِ وھدا پہ کوش ءِ الزام ءَ دزگیر کرتگ ءُ گوں پروندہ ئے دیمروی آئی ءَ پاھوئے ھُکم وارتگ.
گوشگ بیت پنچشمبے 2 بہمن ماہ ءِ بیگاہ ءَ آئی دُزاپ ءِ بندیگجاہ ءَ پہ ایوکیں واڈ ءَ شور دیگ بوتگ، بلے پاھو دیگ ءَ پیسر اے گپّ چہ آئی ءِ ھاندان ءَ چیئر دیگ بوتگ بزاں کہ لوگئے مردمان ءَ نہ توانتگ گوں مهمد ءَ گُڑسریں گِندوک بہ کننت.
اولین نفری باشید که دیدگاه مینویسد