رَسانک نیوز/ شمبے روچ 4 بہمن ماہ 1404، چارشمبے 1 بہمن ماہ ءَ چھبار ءَ امنیتی باسک ءِ سادہ پوشیں ٹولی ءَ بلوچیئے لوگ ءِ سرا اُرش ءُ بید چہ سرکار ئے ھُکم ءَ آئی ءَ دزگیر اِش کرتگ۔ اے ویل ءَ 48 ساھت ءَ بُرز گوستگ بلے داں انگت ءَ آئی ءِ ھالے سرپدئے دست نہ کپتگ.
رَسانک ءَ اے بلوچئے پجّار «الم ازیزی»، کِساس 37 سالگ، گلام سول ئے چُک، بُندر ءَ کسرکند ءَ ازیز آباد دمگ ءِ نندوکیں مردمی زانتگ.
رَسانک ءِ ھال سرکنوکانی رِد ءَ، چھبار ءَ ھماں وھدا کہ الم وتی لوگ ءَ نندوک بوتگ، امنیتی ٹولی ءَ لوگ ءِ سرا اُرش کتگ ءُ ڈنّ چہ کانون ءَ آئی دزگیر کرتگ ءُ گوں وت برتگ.
ھال سرکنوکان ءَ گوشتگ: اے بلوچئے دزگیر بوھگ ءَ دو شپ ءُ روچ ءَ گیش بوتگ بلے داں انگت ءَ لوگئے مردمان ءَ ھچ پیمیں پکّائیں ھالے دست نہ کپتگ ءُ نہ کہ آئی ءِ دارگ ئے جاگہ زانگ بوتگ۔ اے گپّ ءَ لوگئے مردم سکّ ءَ دل پریشان کرتگ.
داں اے وھدا آئی ءِ سرا بستگیں تھمت ءُ دارگ ئے جاگہے بابت ءَ ھالے دست کپتگ ءُ نہ کہ وکیل ءُ لوگ ءَ جُڑگ ئے ھکّ دیگ بوتگ.
گوشگ لوٹیت: دیمترا ھم ماں 18 اسپند ماہ 1403 ءَ کسرکند ءَ سپاہ ءِ چیئریں ادارہ ءَ اے بلوچ گوں دو دگہ ھمراہ ءَ دزگیر کرتگ ءُ ماں 22 اُردیبھشت ءَ زمانت ءِ سرا چہ دُزاپ ءِ بندیگجاہ ءَ آجو بوتگ۔ چہ ایشی ءَ ھم دیمتر ماں سال 1397 ءَ ژریم ئے ھلاپ چِست ءُ ایئر ئے الزام ءَ دزگیر ءُ 45 روچ ءَ پد زمانت ئے سرا آجو بوتگ.
اولین نفری باشید که دیدگاه مینویسد