رَسانک نیوز/ 10 دی ماہ 1404 ءَ، بمپور ئے ریکپوت دمگ ءَ سلاہ بندیں مردمان ءَ بلوچیں جنیں آدمی یے سرا تیرگواری کرتگ، ٹپّانی باز بوھگ ءَ آئی ءَ ماں پہرہ ئے ھاتم الانبیا ء نادراہجاہ ءَ ساہ داتگ.
اے بلوچے جهمنند ئے پجّار «اَپسانہ شهلیبر (بامری)»، کِساس 31 سالگ، نورمهمد ئے چُک، آروس کرتگ، دو چُکّ ئے مات ءُ بمپور ئے ریکپوت دمگئے نندوک زانگ بوتگ.
رَسانک ءِ ھال سرکنوکانے رِد ءَ، اے ویل پد چہ ڈگاری یے سرا اَڑ ءُ جیڑہ ماں ریکپوت دمگئے ڈکّ یے تہا پیش اَتکگ کہ سلاہ بندیں مردمان ءَ گاڑی یے سرا کہ اے جنیں آدم نندوک بوتگ تیرگواریش کرتگ، اے تیرگواری ءَ جنیں آدم ءَ ماں سرا تیر وارتگ.
ھال سرکنوکان ءَ گوشتگ: تیر ئے ورگ ءَ پد، اے جنیں آدم سکّ ءَ ٹپیگ ءُ پہرہ ئے ھاتم الانبیا ء نادراہجاہ ءَ سرکنگ بوتگ۔ بلے ٹپّانی باز بوھگ ءَ آئی ءَ ماں نادراہجاہ ئے I.C.U واڈ ءَ ساہ داتگ.
Be the first to comment