رَسانک نیوز/ 11 دی ماہ 1404 ءِ بانگواہ ءَ، دُزاپ ءُ واش ئے میان راہ ءَ اسکلآباد دمگ ءَ سلاہ بندین دُزّان ءَ دو ٹیلکشّیں گاڑیانی سرا اُرش ءُ تچکیں تیرگواری کرتگ، اے تیر ٹائر، رینگ ءُ گاڑیانے جندا ھم لگ اِتگنت.
رَسانک ءِ ھال سرکنوکانے رِد ءَ، اے ویل شپ ءِ ساھت دو ءُ نیم ئے وھدا اسکلآباد ءِ راہ ءَ پد چہ دجنگ دمگ ءَ پیش اَتکگ۔ گوں ایشی ءَ کہ تیرگواری سکّ ءَ زور بوتگ بلے گاڑیانی نندوکان ءَ ھچ پیمیں نُکسی نہ بوتگ.
ھال سرکنوکان ءَ گوشتگ: سلاہ بندیں اُرش کنوکان ءَ گاڑیانی دیم دارگ ءَ پد، آیانی بارش دُزّتگ ءُ بُرتگ ءُ چہ جاہ ءَ در شُتگ اَنت۔ اے ویل ھماں وھدا بوتگ کہ بلوچستانی راہ آں داں انگت ءَ ناامنی برجاہ اِنت۔ اے پیمیں ویل آنے پد ماں پدا بوھگ جھمنندان ءُ ٹیلکشّ آنے دل پریشانے پہ ناامنی ءُ زمہ وارانی بے پرواھی ءَ گیش کرتگ.
اولین نفری باشید که دیدگاه مینویسد