پہرہ ئے ھاتم‌الانبیا ءِ نادراہجاہ ءَ چہ ڈاکٹر آنے دلگوش نہ‌ بیئگ ءَ بلوچی ءَ ساہ داتگ

رَسانک نیوز/ 20 آزر ماہ 1404 ءَ، بلوچی پہرہ ئے ھاتم الانبیا ءِ نادراہجاہ ءَ سر کنگ ءَ پد چہ ڈاکٹر آنے دلگوش نہ‌ بیئگ ءَ ساہ داتگ. اے بلوچئے لوگئے مردمان ءَ گوشتگ: آئی پہ کمّیں پَشّانکی ءَ نادراہجاہ ءَ شُتگ ءُ اَچانک ءَ آئی ھالت نہ گیگ بوتگ ءُ ڈاکٹر آن ءَ ھم آئی ءِ سرا دلگوش نہ داتگ، اے وڑا آئی بیھوش بوتگ ءُ ماں دگہ گپچلی ءَ کپتگ.

رَسانک ءَ اے بلوچئے پجّار «نورجہان بامری»، گلام مهمد ئے چُک، آروس کرتگ ءُ دو زھگئے مات بُندر ءَ دلگان ءَ جلگہ ئے چگردک دمگئے نندوکیں مردمی زانتگ.

اے بلوچے جنیں آدم ئے نزّیکیں مردمانی گوشتانک ئے رِد ءَ، نادراہ ئے ھالت ءِ نہ گیگ بوھگ ءَ پد، نادراہجاہ ئے زمہ واران ءَ پہ وتی دلگوش نہ بیئگ ءُ کَسُور ئے چیئر دیگ ءَ اے جنیں آدم ءَ ماں آیی سی یو واڈ ءَ داشتگ ءُ اے گپّ درا کرتگ کہ آئی ءَ ماں ھمیں واڈ ءَ ساہ داتگ.

نورجہان ئے لوگئے مردمان ءَ اے گپّ ءِ سرا زور داتگ کہ بید چہ کمّیں پَشّانکی ءَ آئی ءَ دگہ نادراہی یے نہ بوتگ ءُ ڈاکٹر آنے دلگوش نہ بیئگ ءُ شرّ درمان نہ کنگئے سوب ءَ آئی ءَ ماں نادراہجاہ ءَ ساہ داتگ.

داں انگت ءَ پہرہ ئے ڈاکٹری زانتکاری ئے شہدربر جاہ ءِ زمہ واران ءَ اے ویلئے بابت ءَ پد کِرد نہ داتگ.