تہران ءَ بیگواہ بوتگیں بلوچئے لوگئے مردم بیست ءُ پنچ روچ اِنت چہ وتی چُک ئے ھال ءَ بے سرپد اَنت

رَسانک نیوز/ شمبے روچ 15 آزر ماہ 1404 ءَ، بلوچی کہ پہ کارا تہران ءَ شُتگ بیست ءُ پنچ روچ اِنت بے ھالے سرپدئے اِنت۔ لوگئے مردمان ءَ پہ ھالے سرپدئے دست کپگ ءَ باز تر ءُ تاب کرتگ، بلے سوبین نہ بوتگ اَنت۔ اے گپّ ءَ لوگئے مردمانی دل پریشانے گیش کرتگ۔ آیان ءَ چہ مهلوک ءَ پہ وتی چُکّئے شوہاز کنگ ءَ کمک لوٹتگ.

رَسانک ءَ اے بلوچئے پجّار «مهمدھسین شهلی‌بر»، 24 سالگ، جلال ئے چُک، بُندر ءَ جازموریان ئے زھکلوت شہر ءِ برجک نمداد (اَبّاس آباد)، دمگ ئے نندوکیں مردمی زانتگ.

رَسانک ئے ھال سرکنوکانے رِد ءَ، مھمد ھُسین چہ یک ءُ نیم سال دیمترا، تہران ئے تہران پارس دمگ ءَ پہ کابینت جوڑ کنگئے کار ءَ دلگوش بوتگ ءُ ھر چُنت روچ ءَ پد، گوں لوگا ھال ءُ اھوالی کرتگ۔ چہ ایشی ءَ پیسر آئی ءِ گوست ءَ پہ مزنیں مدت ءَ بے ھالے سرپدئے بوھگ نیست اِنت.

ھال سرکنوکان ءَ گوشتگ: بیست روچ دیمترا آئی ءَ گوں لوگئے مردماں گُڑسریں ھال اھوال کرتگ ءُ ایشی ءَ پد بے ھالے سرپدئے اِنت. مھمدھُسین ئے پہ مزنیں وھدا بے ھالے سرپدئے بوھگ ءَ سیاد ءُ لوگئے مردم باز دل پریشان کرتگ۔ لوگئے مردماں گوشتگ: آیان ءَ مھمد ھُسین ئے کار ئے جاگہ یاں کہ آئی ءِ کشّ ءُ کِرّ ئے مردمانے باراوا ھچ پیمیں زانتکاریے نیست.

لوگئے مردمان ءَ گوشتگ: مھمد ھسین یک ءُ نیم سال اِنت کہ تہران ءَ پہ کارا دلگوش اِنت، بلے آئی ءَ داں انگت ءَ وتی کار ئے پئون نمبر لوگئے مردماں نہ داتگ۔ اے پیم آئی ءِ شوہاز کنگئے راہ سهدتر بوتگ. لوگئے مردمان ءَ نمبر شِنگ کرتگ ءُ چہ مهلوک ءَ لوٹتگش ھر کس اے بابت ءَ ھالے زانت ءُ سرپد اِنت یاں کہ دیمترا ھالے دست کپت، گُڑا ھال آں اے نمبر ءَ سر بہ کنت.
09138631728