پہرہ ءَ سلاہ بندین ءُ بے پجّاریں مردمان ءَ تیرگواری ءَ پد، بلوچی آوار جتگ، چُکّے ھم ٹپیگ بوتگ

رَسانک نیوز/ چارشمبے 12 آزر ماہ 1404 ءَ، پہرہ ءَ ھانی کلینک ءِ نزّیک ءَ سلاہ بندین ءُ بے پجّاریں مردمان ءَ ھایلوکس تایلندی گاڑی ئے سرا تیرگواری کرتگ، گاڑی ءَ نندوکیں گونڈیں چُکّی ءَ تیر وارتگ ءُ ٹپیگ بوتگ، تیرگواری ءَ پد سلاہ بندیں مردمان ءَ گاڑی ئے ڈریور پہ سلاہ ئے زور ءَ آوار جتگ.

آوار جنگ بوتگیں بلوچئے پجّار «اَلی بامری»، شهدوست ئے چُک ءُ بُندر ءَ دلگان ءِ نندوکیں مردمے زانگ بوتگ۔ ٹپیگ بوتگیں مردمئے پجّار کہ اَلی ئے چُکّ اِنت زانگ نہ بوتگ.

رَسانک ئے ھال سرکنوکان ءَ گوشتگ: سلاہ بندیں جنوکاں دو گاڑی ئے نندوک بوتگ اَنت کہ تایلندی ئے پدا کپتگ ءُ تیرگواریش کرتگ، اے تیرگواری ءَ اَلی ئے چُک ءَ دست ءَ تیر وارتگ ءُ ٹپیگ بوتگ۔ اورژانس ءِ کارمندان ءَ آئی پہ درمان ءَ ھاتم الانبیاء‌ نادراہجاہ ءَ سرکرتگ.

جنوکانی پجّار ءُ آیانی سوب داں انگت ءَ زانگ نہ بوتگ.