رَسانک نیوز/ مروچی سئے شمبے روچ 11 آزر ماہ 1404 ءَ، دُزاپ ءَ چیئریں ادارے ٹولی ءَ ماں تاریک 28 آبان ماہ ءَ لوگیئے سرا در کانونیں اُرش ءِ وھدا دزگیر بوتگیں دو بلوچے برات، چاردہ روچ ءَ پد داں انگت بندیگ ءُ سرگردان اَنت.
رَسانک ءَ اے دوئیں بلوچے برات آنے پجّار «میساک رھمتزادہ (ھارکوھی)»، 18 سالگ، «مھدی رھمتزادہ (ھارکوھی)»، 21 سالگ، ھر دو ائیدمھمد اُرپ جان دوست ئے چُک، دُزاپ ئے نندوکیں مردم زانتگ.
رَسانک ئے ھال سرکنوکانے رِد ءَ، دُزاپ ئے چیئریں ادارہ ئے سادہ پوشیں ٹولی ءَ انکلاب روڈ ءَ آیانے لوگئے سرا درکانون ءُ بید چہ سرکار ئے ھُکم ءَ اُرش کرتگ ءُ اے دوئیں برات آں دزگیری ءَ پد وتی دارگجاہ ءَ بُرتگ.
ھال سرکنوکان ءَ گوشتگ: مھدی شمبے روچ ءَ 8 آزر ماہ ءَ دزگیر بوھگ ئے دہ روچ ءَ پد، دُزاپ ئے بندیگجاہ ءِ 9 نمبر سیاسی واڈ ءَ شور دیگ بوتگ۔ بلے داں انگت ءَ میساک ئے ھالے سرپدئے نیست اِنت.
اے دوئیں بلوچے برات آنے سرا بستگیں الزام داں انگت زانگ نہ بوتگ۔ بلے میساک ئے ھالے سرپدئے نہ بوھگ ءَ لوگئے مردم سک دل پریشان کرتگ.
Be the first to comment