چھبار ءَ بلوچے کہ سالی دیمترا بیگواہ کنگ بوتگ، آئی ءِ ھالے سرپد ئے نہ بوھگ ءَ لوگئے مردم دل پریشان کرتگ

رَسانک نیوز/ مروچی سئے‌شمبه 11 آزر ماہ 1404 ءَ، پہرہ ئے نندوکیں بلوچیئے لوگ ئے مردمان ءَ گوشتگ: کہ سالی ءَ بُرز اِنت آئی ماں چھبار ءَ گِندگ بوتگ ءُ ایشی ءَ پد تاں مروچی بیگواہ اِنت ءُ آئی ءِ ھالے سرپد ئے نیست اِنت۔ موبایل پئون ئے بند بوھگ ءُ بانک ءِ ھساب آنے کار ءُ بارے وپسگ، ھاندان ئے پہ آئی ءِ شوہاز کنگ ءَ سوبین نہ بوھگ، اے بلوچئے لوگئے مردم ءُ سیاد سکّ ءَ دل پریشان کرتگ ءُ آیان ءَ گوں اے ھالے شنگ کنگ ءَ چہ‌ مهلوک ءَ کمک لوٹتگ.

رَسانک ءَ اے بلوچئے پجّار «مهمد (ریاز) دھانی»، 41 سالگ، مهمد اسلم ئے چُک ءُ بُندر ءَ پہرہ ئے نندوکیں مردمی زانتگ.

لوگئے مردمان ءَ گوشتگ: آئی مدام پہ مدّتی ءَ چہ لوگ ءَ ڈنّ ءُ دور شُتگ۔ بلے اے گشت ءَ سالی بُرز اِنت کہ بے ھالے سرپد ئے اِنت، ھاندان ئے رِد ءَ، بیگواہ بوھگ ءَ گوں آئی ءِ موبایل پئون بند اِنت ءُ بانکی کار ءُ بار آنے وپتگ اَنت.

ھاندان ءَ گوشتگ: مهمد گُڑسرا چھبار ءَ گِندگ بوتگ ءُ ایشی ءَ پد آئی ءِ ھالے سرپدئے نیست اِنت۔ آیاں چہ پیش اَتکگیں جاور آں باز دل پریشان اَنت ءُ چہ مردم ءُ مهلوک ءَ لوٹتگش اگاں کسی ءَ اے بابت ءَ ھالے دست کپت ھال آں اے نمبر آں سر بہ کنت.
0919 321 9960
0933 846 4711