رَسانک نیوز/ 8 آزر ماہ 1404 ءَ، جکیگور ئے میاباد دمگ ءَ، آسکانی ءُ دینارزھی ھاندان آنے میان ءَ دیمترا چہ بے پرواھی ءَ ویلی پیش اَتکگ، اے ویل ءَ یک مردمی کُشگ ءُ یکی دگہ ٹپیگ بوتگ۔ گوں مولوی پزل الرھمان کوھی راسک ئے پشامگ دمگئے جمے پیش نماز ئے میانجی گری ءُ دمگ ءِ با بہروسہ ایں مردمانی جُھد ءَ، اے جیڑہ پہ سلاھ ءَ آسر بوتگ.
اے دیوان چھبار ءَ اکتر آسکانی ئے لوگ ءَ برجم دارگ بوتگ۔ دوئیں ھاندان ئے مردمان ءَ پہ جیڑہ ءُ جنجال آنے ھلاس کنگ ءَ رازی بوتگ اَنت ءُ براتی ءُ ایمن بوھگئے سرا زور داتگ.
دوئیں نیمگ ئے مردمان ءَ گوں یکا دگر ئے بَکش دیگ ءَ، اے جیڑہ ئے سِندگ ءَ پیش کپتگ اَنت. دینی زانتکاران ءُ با بہروسہ ایں مردمان ءَ گوں مُدامی رندگیری، اے سلاھ کاری ءَ مزنیں کردگاری بوتگ. اے دیوان جیڑہ آنے گوں ایمنی ءَ ھلاس کنگ ئے چیدگ زانگ بیت۔ ھمیں پیم ءَ مردمانے بہروسہ ءَ کماش ءُ اسپیت ریشانی سرا پہ سماج ئے ایمن کنگ ءَ درا کنت.
Be the first to comment