رَسانک نیوز/ مروچی شمبے 1 آزر ماہ 1404 ءَ، واش ءَ پشتکوہ چارراہ ءِ نزّیک ءَ گونڈیں چُکّی کہ آئی ءِ نام «مھمد تاجیک»، میر ویس ئے چُک، «امان سیمکشّ» ئے نماسگ گوشگ بوتگ، 98 روچ دیمترا ماں تاریک 24 مرداد ماہ ءَ پہ جمے ئے نماز ءَ مسیت ءَ شُتگ ءُ داں انگت لوگ ءَ واتر نہ بوتگ۔ چہ آں روچ ءَ پد آئی ءِ ھچ ھالے سرپدئے دست نہ کپتگ ءُ لوگئے مردمانی دل پریشانے ھر روچ گیشتر بوھگ اِنت.
مھمد تاجیک ئے سیادان ءَ گوشتگ: کہ آئی وتی پیروک ءِ کرّا بوتگ ءُ ھوری ءَ زندمان گوازینتگ۔ پہ جمے نماز ءَ چہ لوگا در کپتگ ءُ داں مروچی ھچ کسّ ءَ آئی نہ دیستگ، اے در ءُ دوراں آئی ءِ لوگ ئے مردمان ءَ بازیں سرکاری ادارہ آں، نادراہجاہ ءُ در ملکی باشندگانے کیمپ ءَ پہ ھالے سرپدئے دست کپگ ءَ ترّ ءُ تاب کرتگ، بلے سوبین نہ بوتگ اَنت ءُ ھچ ادارھی ءَ اے بابت ءَ کاروایی نہ کرتگ.
اے چُکّ ئے لوگئے مردمان ءَ چہ مھلوک ءُ جھمنندان ءَ پہ وتی چُکّ ءِ شوہاز کنگ ءَ کمک لوٹتگ۔ ھر کس ءَ اے چُکّئے بابت ءَ ھالے دست کپت، اے نمبرا ھال آں سر بہ کنت:
0903 4521520
0993 4794920
زمہ وارانے اے ویل ئے سرا دلگوش نہ بیئگ، ھاندان ئے دل پریشانے ءُ زھنی جنجال آں گیش کرتگ۔ اے ویل ءَ یک گشتی پدا سرکار ئے کمزوری آں پہ چُشیں پروندہ آنے ٹاھینگ ءُ ھلاس کنگ ءَ درا کرتگ.
Be the first to comment