رَسانک نیوز/ سئے شمبے 27 آبان ماہ 1404 ءَ، سرباز ءَ گوں مولوی ابدلھمید دُزاپ ءِ پیش نماز ءُ دمگ ءِ کماش ءُ اسپیت ریشیں مردمانے ھوار بوھگ ءَ ھمّلی ءُ نوارنی کبیلہ آنے میان ءَ رازی نامہ ءُ سلاھ کاری بوتگ.
سلاھ ئے دیوان ءَ مولوی ابدلھمید، مولوی ابدلالی ھیئرشاھی، سرباز ءِ پرماندار ءَ گوشتانک داتگ.
چہ اَڑ ءُ جیڑہ دوئیں ھاندان آنے، دو مردم کُشگ بوتگ، اے اَڑ ءُ جیڑ گوں دمگ ءِ کماش ءُ اسپیت ریشیں مردمانے میانجی گری ءُ جُھد ءَ پہ رازی نامہ ءُ سلاھ ءَ آسر بوتگ، دوئیں نیمگ ءِ مردمان ءَ یکّا دگر بگل کَشّ کرتگ ءُ کُہنیں جیڑہ آں شموشتگ اَنت.
Be the first to comment