رَسانک نیوز/ مروچی یکشمبے 4 آبان ماہ 1404 ءَ، بلوچے کہ آئی ءِ پجّار «آرپ کاشانے»، رھیم ءِ چُک ءُ بُندر ءَ دُزاپ ءِ نندوک زانگ بوتگ، ماں تاریک 16 تیر ماہ 1404 ءِ بانگواہ ءَ وتی لوگے دیم ءَ سلاہ بندین ءُ بے پجّاریں مردمانی دست ءَ آوار جنگ بوتگ، سد ءُ یازدہ روچ ءَ پد داں انگت ءَ ھاندان ءَ آئی ءِ ھالے سرپدئے دست نہ کپتگ۔ امنیتی ادارہ آں داں انگت ءَ پہ آوار جنوکانی پجّار ئے درا کنگ ءُ آئی ءِ آجویی ءَ ھچ پیمیں گامگیجی نہ کرتگ.
رَسانک ءِ ھال سرکنوکانے رِد ءَ، آرپ کاشانی شپ ءِ گُڑسریں پاس ءَ پد چہ کار ئے ھلاس کنگ ءَ، ساراللہ روڈ ءَ وتی لوگا تہا بوھگ ءِ وھدا سلاہ بندیں مردماں آئی ءِ سرا اُرش کرتگ ءُ گوں سلاہ ءِ بیہار ءَ آوارش جتگ.
داں انگت ءَ آوار جنوکانے پجّار ءُ آیانی سوب چہ اے کارا زانگ نہ بوتگ۔ امنیتی ءُ انتزامی ادارہ آنے اے ویل ءِ دیم ءَ دلگوش نہ بیئگ ءُ گامگیج نہ کنگ ءَ ھاندان ءُ جھمنندانے دل پریشانے گیش کرتگ.
Be the first to comment