رَسانک نیوز/ جمے روچ 2 آبان ماہ 1404 ءَ، دُزاپ ءُ سرجنگل ءِ راہ ءَ ٹیلکشّیں گاڑی ئے لیٹ ورگ ءَ دو بلوچے ٹیلکشُ ویل ءِ دپ ءَ کپتگ اَنت، یکی ساہ داتگ ءُ دومی سکّ ٹپیگ بوتگ.
مرتگیں ٹیلکشّئے پجّار «ابداللہ یاگیزھی»، الم ءِ چُک، آروس کرتگ،۔ ٹپیگ بوتگیں بلوچے ٹیلکشّئے پجّار «مھران یاگیزھی»، شہباز ئے چُک، دوئیں زابل ءِ لوتک دمگ ءِ نندوک زانگ بوتگ اَنت.
رَسانک ءِ ھال سرکنوکانے رِد ءَ، اے ویل روچ ءِ ساھت 12 ءَ، پد چہ جون آباد ءِ سئے راھی ءَ چہ گاڑیئے ٹایرے ترکّگ ءَ پیش اَتکگ، چہ اے سوب ءَ گاڑی ءَ لیٹ وارتگ۔ دمگ ءِ ھماں مردمان ءَ کہ ویل چم وت دیستگ، گوشتگش: آمبولانس باز دیر ءَ پد جاہ ءَ سربوتگ ھمیں ھاترا ٹپیگ بوتگیں مرد ءِ ھالت گیشتر نگیگ بوتگ.
Be the first to comment