رَسانک نیوز/ گوستگیں روچاں «امیر بلوچ»، بلوچے ورنایی کہ ماں تاریک 7 بہمن ماہ 1403 ءَ، چیریں ادارے ٹولی ءَ ھژم ءُ زور ءِ سرا دزگیر کرتگ پد چہ نُہ ماہ سرگردانی ءَ لوگا پئونی سرا ھالے داتگ کہ انکلاب آمیدگِس ءَ پہ آئی ءَ دہ سال ءُ شش ماہ بندیگ بوھگے ھکم بُرّتگ. اے بلوچے ورنا دزگیر بیئگ ءِ وھدا 17 سالگ ءُ کوھون ئے منبأالاُلوم دینے وانگجاہ ءِ نودربری بوتگ ءُ چیریں ادارہ ءَ چہ سرکور ءِ ملک آباد دمگ ءَ پہ زور ءُ ھژم ءَ آوار جتگ ءُ چیریں جاگہے برتگ.
«امیر بلوچ»، رھیم بکش ءِ چُک، بُندر ءَ سرباز ءِ کوهون دمگ ءِ نندوکیں مردمی زانگ بوتگ۔ سربوتگیں ھالانے رِد ءَ، اے ورنا ئے ھکم در چہ اِنساپ ءُ بے سبوت ءُ مدرک ءَ دیگ بوتگ۔ اے ھکم دیگ ءِ سوب آئی ءِ مردمانی سرا گوں چیریں ادارہ ءَ ھوار بیئگ ءُ کار کنگ ءَ زور ئے دیگ زانگ بوتگ.
آئی ءِ سیادان ءَ گوشتگ: گوستگیں ماہ آن ءَ چیریں ادارہ ءَ چُنت پد چہ اے ورنا ئے ھاندان ءَ لوٹتگ کہ آئی ءِ مات ءِ برات ءَ کہ چیریں ادارہ ءَ آئی جیش الادل ءِ گل ءَ ھواریں پدایی زانتگ پہ کارے کنگ ءَ چیریں ادارہ ءِ دست ءَ بہ دینت۔ اے گرانیں ھکم ءِ بُرّگ ھمیں تَچکی ءَ بیڑے گِرَگ زانگ بوتگ۔ دیمترا دُزاپ ءِ انکلاب آمیدگِس ءِ اِنساپ ءِ زمہ واران ءَ گوں لوگے مردمان ءَ کہ پہ ھالے سرپدئے روگ ءُ آھگش کرتگ، گوشتگش: اے پروندہ گوں اِنساپ ءِ ادارہ ءَ نہ جوڑتگ بلکیں اے پروندہ تچک ءَ چیریں ادارے دست ءَ اِنت.
دیمترا اے بلوچے مشروتیں آجویی پہ یک ملیارد ءُ نیم تومن ءِ زمانت ءِ سرا بوتگ، بلے امنیتی ادارہ آن ءَ آئی ءِ آجویی ءِ دیم داشتگ ءُ پہ آجو کنگ ءَ چہ ھاندان ءُ لوگے مردمان ءَ لوٹتگش کہ اے ورنا ئے دو ناکو ءُ آئی ءِ برات چہ وتی سیاسی چِست ءُ ایئراں دست بہ کَشّنت ءُ جُھد ءَ یلا بہ کننت. پروندہ آنے اے وڑا دیمروی اِنساپ ءُ ھکّ ءِ پادلپاش کنگ ءِ زندگیں مسال اَنت، کہ سرکار ءُ امنیتی ادارہ آں پہ سیاسی سوب ءُ بلوچے بندیگ آنے لوگے مردمانے سرا پہ ٹاھینتگیں زور ئے دیگ کارمرز کننت.
اے وڑیں ھکم ئے بُرّگ پہ بلوچے ورنایی کہ آمیدگِس ءَ آئی ءِ پروندہ شرّی ءِ سرا پٹ ءُ پول نہ کرتگ ءُ امنیتی ادارہ آں آئی ءِ آجویی ئے دیم داشتگ، درا بئیت کہ امنیتی ادارہ آں اِنساپ ءِ ادارہ ءَ اَوزاریئے پیم ءَ پہ وتی پایدگ ءَ کارمرز کننت۔ اے وت اِنساپ ءِ پروندہ آنے نیمون ءَ سیاسی یرگمال کنگ اِنت۔ اے ھماں کار اِنت کہ چکّانے ھکّانی پادلپاش کنگ زانگ بنت ءُ بلوچستان ءِ مردمانی بے بہروسہ ای ءَ چہ ایران ءِ سرکار ءُ اِنساپ ءِ ادارہ ءَ گیش کننت.
Be the first to comment