رَسانک نیوز/ پنچشمبے 24 مہر ماہ 1404 ءَ، سرکاری میڈیا ءَ ھال سر کرتگ کہ ماں تاریک 12 مہر ماہ ءَ دشتیاری ئے نگور ءِ سیمسرانے امنیتی باسک ءِ بُنجاہ ءِ کارمندے ویلے یے دپ ءَ کپتگ. شنگ بوتگیں ھالے رِد ءَ، نگور ئے سیمسرانے دمگ ءَ اے ویل پیش اَتکگ ءُ کُشگ بوتگیں کارمند وتے کارے سرا بوتگ ءُ کارے وھدا اے ویل ءَ دپ کپتگ.
سرکاری میڈیا ئے شنگ کرتگیں ھالانے رِد ءَ، کُشگ بوتگیں کارمںدے پجّار «سجّاد سیامی»، استوار دوم، بُندر ءَ مشھد ءِ نندوکیں مردمے زانگ بوتگ۔ شوتی گاڑی ءِ ٹوکر جنگ ئے دہ روچ ءَ پد، ماں نادراہجاہ ءَ ساہ داتگ.
سرکاری میڈیا ءَ گوشتگ اے ویل سیمسرانے لیکہ ءَ ھماں وھدا پیش اَتکگ کہ سیمسراں چاروگیں امنیتی ٹولی کاچاکی سامان ءُ زرّ ءُ مواد ءِ دیم داروکیں جُھدا دلگوش بوتگ اَنت۔ داں انگت ءَ پکّائین ءُ سرجمیں ھالی اے بابت ءَ کہ اے ویل کجام جاہ ءَ ؤ چی پیم ءَ پیش اَتکگ، یاں کہ شوتی گاڑی ئے ڈریور ءِ بابت ءَ ھچ نہ گوشتگ.
Be the first to comment