رَسانک نیوز/ پنچشمبے 10 مہر ماہ 1404 ءِ بانگواہ ءَ، پہرہ ءِ بندیگجاہ ءَ بلوچے بندیگے کہ ماں 16 سالگے ءَ دزگیری ءَ پد پاھو ئے ھُکم وارتگ، پاھو دیگ بوتگ۔ اے پاھو ھماں وھدا دیگ بوتگ کہ میان اُستمانے ادارہ آں، چُکّے بندیگ آنے پاھو دیگ ءِ ھلاپ اَنت۔ انسانے ھکّانے ادارہ ءَ چہ ایران ءَ پہ پاھو ئے ھکم ءِ کارمرز کنگ ءَ شرگداری کرتگ۔ بلے پدا ھم بلوچستان ءَ اے وڑیں گرانیں ھکم دیگ بنت.
اے بلوچے بندیگے پجّار «مھمدرزا شیہکی»، 25 سالگ، ھانمھمد ءِ چُک، پہرہ ءِ بزمان زِلّھے ابولپزل مسیت ءِ دمگ ءَ نندوک زانگ بوتگ.
آئی ءِ سیادان ءَ گوشتگ: مھمد رزا نُہ سال دیمترا پد چہ ھاندانے جیڑہ ءُ ٹکّری ءَ دزگیر ءُ پاھو ئے ھکم دیگ بوتگ۔ پنچشمبے روچ ءَ ھماں وھدا مھمد رزا پاھو دیگ بوتگ کہ دزگیر کنگ ءِ وھدا آئی ءِ اُمر 16 سال بوتگ.
Be the first to comment