رَسانک نیوز/ زی دوشمبے 7 مہر ماہ 1404 ءَ، کہنوج ءُ کلہ گنج ءِ راہ ءَ چہ نزامے ٹولی ئے بلوچے ٹیلکشّے گاڑی ءِ پدا کپگ ءُ تیرگواری ءَ، ٹیلکشّے گاڑی ءَ لیٹ وارتگ ءُ بُن گپتگ۔ گاڑی ئے دوئیں نندوکان ءَ ساہ داتگ.
اے ٹیلکشّ آنے پجّار «بنیامین نارویی»، 17 سالگ، ھبیب ءِ چُک۔ «ابدلباست نارویی»، 27 سالگ، اسداللہ ئے چُک، دوئیں کلہ گنج ئے نندوک زانگ بوتگ اَنت.
رَسانک ءِ ھال سرکنوکان ءَ گوشتگ: اے ویل بیگاہ ءِ وھدا پیش اَتکگ ءُ ٹیلکشّ آنے گاڑی ءِ در گِرَگ ءُ سُچگ ءَ نزامی ٹولی جاہ ءَ اُوشتوک بوتگ ءُ چار اِتگے۔ بلے پہ گاڑی ئے نندوک آنے رکّینگ ءَ ھچ گامگیجی نہ کرتگ.
Be the first to comment