رَسانک نیوز/ چارشمبے 2 مہر ماہ 1404 ءَ، پہرہ ءِ مولوی روڈ ءَ سلاہ بندین ءُ بے پجّاریں مردمان ءَ بلوچے ۓ سرا تیرگواری کرتگ آئی ءَ تیر وارتگ ءُ سکّ ءَ ٹپیگ بوتگ.
اے بلوچے پجّار «تاھا مکتاری»، مھسن ءِ چُک، بُندر ءَ پہرہ ئے ڈمّن دمگ ءِ نندوکیں مردمے زانگ بوتگ.
رَسانک ءِ ھال سرکنوکانے رِد ءَ، تاھا پژو پارس گاڑی یے سوار ءُ مولوی روڈ ءِ دہ نمبر ڈکّ ءَ وتی راہ ءَ روگ ءَ بوتگ کہ پژو گاڑی یے سلاہ بندین ءُ بے پجّاریں نندوکان ءَ آئی ءِ سرا تیرگواری کرتگ، اے تیرگواری ءَ تاھا تیر وارتگ ءُ ٹپیگ بوتگ ءُ آئی ءِ گاڑی روڈ ءِ کنار ءَ اُوشتوکیں گاڑیانے گون ءَ ٹوکر وراں بوتگ داں کہ اُوشتاتگ.
ھال سرکنوکان ءَ گوشتگ: سلاہ بندیں مردماں چہ وتی گاڑی ءَ ایئر کپتگ اَنت ءُ تاھا ئے سرا تَچک ءَ نشانگ گپتگ ءُ تیرگواری کرتگ کہ آئی سکّ ءَ ٹپیگ بوتگ ءُ پہ درمان ءَ ھاتم الانبیاء نادراہجاہ ءَ سرکنگ بوتگ.
داں انگت جنوکانے پجّار ءُ آیانے سوب چہ اے کار زانگ نہ بوتگ.
Be the first to comment