شستون ءَ سپاہ ءِ ٹیلے ٹانک آنے سرا سلاہ بندیں اُرش ءَ اُدے چاروگ ءُ نگہپان کُشگ بوتگ

رَسانک نیوز/ سئے شمبے 1 مہر ماہ 1404 ءِ بانگواہ ءَ، شستون ءِ ناھوگ دمگ ءَ سلاہ بندین ءُ بے پجّاریں مردمان ءَ سپاہ ءِ ٹیلے ٹانکر آنے سرا اُرش کرتگ۔ اے اُرش ءُ تیرگواری ءَ «جان مھمد اربابی»، تاج مھمد ءِ چُک، ناھوگ ءِ نندوکیں مردمے ءُ سپاہ ءِ ٹانکر آنے چاروگ ءُ نگہپان بوتگ کُشگ بوتگ.

رَسانک ءِ ھال سرکنوکانے رِد ءَ، اُرش کنوکانے سوب چہ اے کارا سپاہ ءِ ٹانک آں نُکس دیگ بوتگ کہ اے اُرش ءَ بازیں ٹانکے نُکس وارتگ ءُ ٹُنگ بوتگ اَنت.

دمگے مردم گوشنت: سیمسراں بندگ ءُ تانکر ے سیاست ءِ کارمرز کنگ ءَ گوں، سپاہ لوٹیت ٹیلے کار ءُ بار ءِ نپ ءُ سیت ءَ وت بہ زور اِیت. اُدے جھمنند بے کار ءُ روزگار بوتگ اَنت ءُ ناچار اَنت ٹیل آں پہ ارزانیں کیمت ءَ سپاہ ءِ جندے کِرّا بہا بہ کن اَنت ءُ وتی ٹیل آں ھمیں ٹانک آن ءَ ھالیگ بہ کن اَنت.

اے کاراں ھماں وھدا بوھگ اَنت کہ باڈر ءُ سیمسراں پہ جھمنندیں مردماں بستگ اَنت ءُ بازیں بلوچے ورنایی چہ کار ءُ در آمد ءَ وتی دست شُشتگ اَنت۔ گوستگیں ھپتگ آن ءَ جھمنندان ءَ چُنت گشت زھرشانے کرتگ ءُ مُچ بوتگ اَنت ءُ چہ سرکار ءَ لوٹتگ کہ سیمسران ءَ پہ آیانے روزگارے ھاترا پدا پچ بہ کن اَنت۔ بلے زمہ وارانے اے زھرشانے ءُ مھلوکے مُچی ئے مان مہ آرگ ءَ شستون ءُ میرجاوہ ءِ سیمسراں نندوکیں مردمانے مالی جنجال آں روچ پہ روچ ءَ گیشتر کرتگ.