رَسانک نیوز/ مروچی سئےشمبے 25 شہریور ماہ 1404 ءَ، دُزاپ ءُ واش ءِ میان راہ ءَ سلاہ بندیں مردمان ءَ نزامی ٹولی ئے پژو پارس گاڑی ءِ سرا اُرش ءُ تیرگواری کرتگ۔ اے تیرگواری ءَ دو نزامی کارمند کُشگ ءُ یکے دگہ ٹپیگ بوتگ.
سرکاری میڈیا ءَ اے ھال شنگ کرتگ ءُ گوشتگ: سب ءُ سورانے نزامی ٹولی یئے کہ چہ دُزاپ ءَ دیم پہ سوران ءَ واتر کنگ ءَ بوتگ، سلاہ بندیں مردمان ءَ آیانی سرا تیرگواری کرتگ.
گوشگ لوٹیت: اے اُرش ءَ پد، نزامے ءُ چیریں ادارے مزنیں پلٹنے گوں سرکاری ءُ زاتی گاڑیاں (چیریں گاڑیاں)، جاہ ءَ دیم دیگ بوتگ.
Be the first to comment