رَسانک نیوز/ چارشمبے 19 شہریور ماہ 1404 ءَ، کسرکند ءَ انتزامے ٹولی بلوچے ءَ زور ءُ ھژم ءِ سرا دزگیر کرتگ ءُ چیریں جاگہے برتگ.
رَسانک ءَ اے بلوچے پجّار «ابداللہ ازیزی»، 17 سالگ، نیاز ئے چُک، کسرکند ءَ ازیزآباد دمگے نندوکیں مردمے زانتگ.
رَسانک ءِ ھال سرکنوکان ءَ گوشتگ: نزامے ٹولی ءَ اے بلوچے گناہ ءُ کسور نہ گوشتگ ءُ گوں لٹ ءُ زورا وتی گاڑی ءَ سوار کرتگ ءُ چیریں جاگہے برتگ. ابداللہ ئے سیاد ءُ لوگے مردم پہ آئی ءِ ھالے سرپدئے دست کپگ ءَ جُھد کرتگ بلے سوبیں نہ بوتگ اَنت۔ امنیتی زمہ واران ءَ آیاں الکاپیں پسّو ئے نہ داتگ.
داں انگت آئی ءِ سرا بستگیں الزام ءُ دارگ ئے جاگہ زانگ نہ بوتگ.
ایرانے سرکار ے کانون ئے سی ءُ دومی بہر ءَ، جھمنندانے دزگیر کنگ ءَ بید چہ آیانے گناہ ءُ کسور ے گوشگ، در کانون ءُ جرم زانتگ، جھمنندانے درکانون ءُ وت سر دزگیر کنگ، دزگیر کنگ ءِ وھدا جھمنندان ءَ لٹ ءُ شاپ کنگ، بلوچستان ءَ جھممندان ءَ بنیاد ے ھکّ ءِ نہ دیگ اِنت. بلوچستان ءَ جھمنندانے بنیادی ھکّانے پادلپاش بوھگ، انسانی ھکّاں پہ کار کنوکیں ادارہ ءُ گل آنے دل پریشانے گیش کرتگ.
Be the first to comment