رَسانک نیوز/ 19 شہریور ماہ 1404 ءِ بانگواہ ءَ، راسک ءَ پیشن دمگ ءِ ھوت آباد ءَ کارچ بستگیں مردمان ءَ ھماں وھدا بلوچیئے سرا اُرش کرتگ کہ آئی وتی لوگے دیم ءَ اُشتوک بوتگ، سلاہ بندیں مردمان ءَ اے بلوچ مارچ شاپ ءُ ٹپیگ کرتگ.
اے بلوچے پجّار «وسیم ستاری»، 23 سالگ، اکرم ئے چُک ءُ بُندر ءَ پیشن ءِ نندوکیں مردمے زانگ بوتگ.
رَسانک ءِ ھال سرکنوکانے رِد ءَ، وسیم وتی لوگے دیم ءَ اُشتوک بوتگ کہ دو مردم ءَ گوں کارچ ءَ آئی ءِ سرا اُرش کرتگ ءُ شش کارچ جتگ ءُ ٹپیگ کرتگ. ٹپیگ بوھگ ءَ پد دمگ ءِ نندوکیں مردمان ءَ آئی ءَ پہ درمان ءَ راسک ئے ولایت نادراہجاہ ءَ سر کرتگ۔ بلے آئی ءِ ھالت سکّ ءَ ھراب بوتگ ءُ ڈاکٹر آن ءَ پہ شرتریں درمان ءَ پہرہ ئے ھاتم الانبیاء ئے نادراہجاہ ءَ رھادگ کرتگ.
ھال سرکنوکان ءَ گوشتگ: اے ویل شپ ءِ ساھت یک ءَ پیش اَتکگ ءُ داں انگت ءَ دوئیں جنوکانے پجّار ءُ اے ویلے پُژدر زانگ نہ بوتگ.
Be the first to comment