رَسانک نیوز/ یکشمبے 16 شہریور ماہ 1404 ءِ بانگواہ ءَ، منوجان ءِ بندیگجاہ ءَ بلوچے بندیگے پد چہ دہ سال بندیگ بوھگ ءَ، پاھو دیگ بوتگ.
اے بلوچے بندیگے پجّار «مھمدگل میربلوچزھی»، 46 سالگ، جنگی ھان ئے چُک آروس کرتگ ءُ چار زھگے پت، بُندر ءَ تپتان ءِ نازیل دمگ ءِ نندوکیں مردمے گوشگ بوتگ.
رَسانک ءِ ھال سرکنوکان ءَ گوشتگ: مھمدگل سال 1394 ءَ میناب ءَ پہ منشیات ءُ مواد ءِ الزام ءَ دزگیری ءَ پد پہ منوجان ءِ بندیگجاہ ءَ شور دیگ بوتگ۔ اُدے انکلاب آمیدگِس ءَ آئی ءَ پاھو ئے ھُکم داتگ. مھمدگل ءَ 14 شہریور ماہ ءَ، منوجان ءِ بندیگجاہ ءَ پہ ایوکیں واڈ ءَ شور داتگ۔ ھاندان ءُ لوگے مردم پہ آئی ءِ گُڑ سریں دیدار ءَ سوبیں بوتگ اَنت.
Be the first to comment